انا خلاص بارفع الرايه البيضا و باعلنها صريحه اني طلعت مابفهمش حاجه ابداً في الحب.
الاعتراف دا صعب عليا بس اكتشفت ان دي الحقيقه علشان كدا توقفت عن الكتابه في المدونه الفتره اللي فاتت كلها
اعتذاري المره دي مش لفارسي الذهبي لكنه اعتذار للحب نفسه اللي مأدرتش افهمه صح
هناك ١٤ تعليقًا:
كلنا بنعرف نحب يا قط الندى دي غريزة ربنا خلقها فينا لكن المهم ازاي نعبر عنها ونخلي الي حوالينا يحبونا هو هنا الصعوبه
انت فين يا بنتي عاش من شافك
صحيح المهم ازاي نعبر عن حبنا ؟؟ هو دي المشكله بس تفتكر اني ممكن اتعلم دا و لا اللي فيه طبع مش بيتغير ؟؟اول زياره يشرفني جدا انها تكون ليك
حمدلله عالسلامة يا قطر الندي
ياااااااه 000قلقتينا عليكى قوي
عود احمد
انا هقولك على حاجه صغيرة
مفيش حد بيفهم فى الحب لإنه مالوش قاعدة ولا قانون وبيختلف من شخص لآخر ومن مكان للتانى ومن زمن لزمن
احنا بس بنحاول نتعامل معاه بدون خسائر
او بأقل قدر منها
دي اول نقطة
فى حكمة قديمة بتقول
اطول شارع واصعب طريق ... الطريق الى القلوب
عشان كده لازم ماتستسلميش ولازم تكونة متأكده انتى صح ومش غلط وانك محتاجى مساحة زمنية ومسافة قلبية عشان تنجحى
وفى حكمة تانية بتقول
عذاب ان تحب.... عذاب اكثر الا تحب
عشان كده ماتزعليش لإن كلنا فى عذاب وكلنا بنعانى
بس فى معاناة بتفرق عن معاناة
فى الم لذيذ والم متعب وصعب
موضوع التعبير عن الحب مش محتاج دراسة ولا له طريقة ثابته وقاعدة موحدة
وبعدين اللى بيحب ممكن يحس كويس جدا بدون ماينتظر علامة ارشادية او طريقة تعبير اعلانية واضحة للعيان
عشان كده ماتفقديش الثقة فى نقسك وفى امكانياتك
هقولك على حكمة ساخرة
الفرق بين الحب الفاشل والحب الناجح،،، أن الأول يؤلمك شهرا والثانى يؤلمك مدى الحياة
وطبعا لازم اختم كلامى بجملتك الخالدة
اكيد لسه فيه حاجات كتير حلوه في حياتنا
روقى يا اختى العزيزة
خالص مودتى
انا مع كلام لوجيك جدا
كلامة جي صح اوى
كلنا بنعرف نحب ولما بنحب بنحب بجد
بس دلوقتى مفيش حب بيكمل لاسف
مفيش واحد معش القصة دى
والكل لازم يطلع خسران
بس الجدع اللى يعرف هو بيعمل ايه
بس فى اوقات كتير مبيكونش فى جدع فى الحكاية دى
بس ادينا بنقول هنسا
وفكى كده عشان مفيش حد واخد منها حاجة
تحياتى
يااااااااا يا قطر الندي
بجد وحشتينا وحشتينا جدا
وبعدين صعب اننا نفهم الحب والاصعب اننا نتعامل معاه صعب اننا نلاقيه والاصعب اننا نتخلي عنه
وراي في الحب انت عارفه
بس بجد استمتعت باعترافك علي الرغم من ان كلامك حزين
واستمتعت اكتر باكل تعليق قبلي
وحمدلله علي السلامه واوعي تغيبي تاني
عايزنك تعوضي الايام اللي فاتت وبوست كل يوم ماشي
حمدلله علي السلامه
نورتي المدونه
كلام لوجيك
كلامك جميل و مش عارفه اوصفلك اد ايه ارتحتله بس اللي انا اكتشفته ان الناس اللي بيكون عندهم تجارب سابقه و يرتبطوا بناس مالهمش تجارب بيعذبوهم بافكار استخلاصوها من تجاربهم السابقه و دا اللي احبطني
اجدع واحد في الشارع
انا مش عايزه اطلع خسرانه و مش عايزه استسلم انا عايزه ادافع عن احساسي لاخر لحظه
بوسي
شفتي اللي بيجرالي يا بوسي انا مش ناويه ازعلك هافضفض في بوستات بس ماتستعجلونيش
مرحبا بكي في نادي الي مفهموش الحب ..و على راي حليم رميت نفسك في حضن سقاك الحضن ..و لا بلاش
تحياتي
انتظار مؤقت
مانا اصلي ناقصه تقطيم كمان
يا بت ده مش تقطيم ده تضامن هاتي اسمو ايه على اسمو ايه ده اسمو ايه طايلني و طايلك
السلام عليكم
العزيزه قطر الندي
اولا كده عامله ايه واخبارك
نتخانق بقي
الاعتراف ووقعنا عليه
قصري وهاتي من الاخر بقي
ونزلي بوستات بقي كل يوم بوست انا كل يوم بدخل هنا وعايزه اشوف جديد كل مره اقولك سيبي الشغل لو ناويه تصيفي عادي هشغلك المروحه ونزلي بوستات
رفعتي الرايه البيظه على التدوين كمان ..فينك و فين جديدك
السلام عليكم
خير يا استاذه
ايه رحتي فين
وانت عارفه انا ممكن اعمل ايه لو اتاخرتي اكتر من كده
ولا رفعتي الرايه البيضا زي ما انتظار مؤقت بتقول
علي العموم انا لسه عند تهديدي بالتسيح في المدونه اعقلي كده وارجعي احسن ما اتهبل انا واسيحلك
للأسف انا كمان زيك كنت فاكره الحب غلط وفهمته غلط اسمحيلي اضم اعتذاري الي اعتذارك
alo
ezayek
إرسال تعليق