انا كان مالي انا و مال التدوين و اللي بيدونوا مانا كنت قاعده في حالي بس هاقول ايه النصيب بقي قال و انا اللي قولت اهون علي الناس شوية و اتكلم في الحب و اللف لفه و لسه باقول يا هادي الاقي التاج في انتظاري لأ و ماتجيش غير منك انت يا اسامه هاقول ايه منك للي اكلت دراع جوزها بس عموماً مقبوله منك يا سيدي
انا بحب الصراحه اوي و هجاوب بمنتهي الصراحه استعنا علي الشقي بالله
إيه اللي هايحصل لإميلك لما تموت
بصراحه انا مافكرتش قبل كدا في الموضوع دا لانه مش هايبقي مهم بالنسبلي الايميل هايبقي ورايا حاجات اهم لازم اعمل حسابها قبل ماموت و بعدين يحصله اللي يحصله بقي
اسمك
قطر الندي اسم دا و لا مش اسم !!؟
اسم الدلع المشهور به وسط اصدقائك؟
بسيطه اصحابي بيقولوا فروله لكن فيه اسماء تانيه كتير لكن دا الاشهر
عمرك؟
عمري 27 سنه
برجك ؟
العقرب
مجال دراستك؟
علوم حاسبات / برمجيات
شخصيتك نوعها ايه ؟
هو السؤال غريب شويه و لا انا اللي بيتهيألي !!؟؟
بس ممكن نقول اني في العموم طيبه و بانسي الاساءه بسرعه
السفر بالنسبه ليك ؟
متعه فعلاً اياً كانت ظروف السفر او وجهته فعلاً باستمتع بكل لحظه فيه حتي الطريق علي رآي نجاة انا باعشق الطريق
المود بتاعك؟
حالياً محتاره شويه لكني محتفظه بهدوئي
وقت فراغك بتعمل ايه ؟
باطبخ و بتعلن حالة الطوارئ القصوي في البيت و المناطق المحيطه بيه و طول مانت قاعد تسمع صوت عربيات الاسعاف اللي بتشيل ضحايا العدوان و في الغالب بتنتهي باعلان عيلتي كلها اضراب عن الطعام و مطالبتهم للجمعيات و الهيئات الدوليه بالتدخل لمنعي من دخول المطبخ
الاكله المفضله؟
ورق العنب و الملوخيه حتي لو عشت عليهم بقيت حياتي مش هازهق
الصفات اللي اخدتها من بابا؟
الاحتفاظ بهدوء اعصابي اطول فتره ممكنه لكن لما انفجر ماشوف قدامي
الصفات اللي اخدتها من ماما؟
طيبة القلب و حسن الظن في التعامل مع اي شخص و دي حاجه باحترمها جداً
اكثر 6 حاجات بتكرها؟
الخيانه و لحظات الوداع و نكران الجميل و الخبث و الاستهبال و برنامج هاله شو
اكثر 6 حاجات بتحبها؟
الموسيقي و السينما و البحر و الهدوء و الحب و الاطفال
الشغل بالنسبه ليك ؟
استقلال مادي و احساس باني منتج مش مجرد مستهلك و اكيد مستقبل احسن
النت بالنسبه ليك ؟
وسيله لمواكبة العصر و بصراحه جزء مهم من حياتي و شغلي لكني ممكن استغني عنه لو لقيت بديل
امرر التاج لاكتر ناس انا بحب مدونتهم و باعتبرزيارتهم حاجه يوميه لازم اعملها ـ برايد صاحبة مدونتة عايزه اتجوز و ست البنات الزعروره و loin king
هناك ١٥ تعليقًا:
ازيك يا قطر الندى
:)
بشكرك على التعليق الجميل عندي في المدونه
بجد كلك زوق
وشيء يسعدني ان شغلي بيعجبك
يارب اكون كدة فعلا
وبالنسبه للهديه
:))
دي واضح انها تدبيسه
بس عاوزك تزوريني في
www.zizome1.blogspot.com
هتلاقيني مجاوب هناك على التاج الجميل الي داير علينا كلنا
انما انت بقى ماشاء الله عليكي اجاباتك جميله
تحياتي ليكي
وبشكرك جدا
اهلا اهلا
. انتى باين عليكى مكشوف عنك الحجاب .. مبتحبيش هالة شو .. اهو يا ست الكل صلاحيته انتهت
ما تيجى نعمل حلتين محشى ورق عنب ونقعد نقزقز فيهم ونتاقش انا بحبه اوووى
انتى بجد زى السكر
LionKing
بجد انت تستاهل اكتر من كدا بكتير انا بحب مدونتك جداً و عموماً التدبيسه كلنا لها مرسيه علي زيارتك اللي نورت البلوج
halwasa-masrya
اهلاً باجمل واحده بتهلوس في الدنيا و ياريت كل الهلوسات زي هلوساتك الجميله و عموماً موضوع هاله شو دا اعتقد انه فيه كتير زيي كدا مش بيحبوه و اذا كان علي المحشي يا ستي انا عزماكي بس انتي اختاري الوقت اللي يعجبك و مرسيه علي زيارتك الجميله و يارب ماتنقطعش ابداً
مدونتك طعمها أحلي من المحشي والملوخية
وإجبتك رشيقة وديبلوماسية
شكراً ان الكاتبة العظيمة صاحبة
الإبدعات المريعة قطر
الندي "فرولة" ...جاوبت علي التاج
وكل تاج وانت بخير
وأنا بضم صوتي لصوت العائلة بتعتك
الكريمة...ويقولك وأنت في المطبخ
كفاية...حرام
دا اكيد النور دا نورك انت ونور كلامك الجميل
ماشاء الله عليكي كلك زوق
:)
تحياتي
اولا مبروك عليك تاج الجزيرة.... و كمان تهنئة بالاجابات الرشيقة و الحقيقة فتحتي نفسي للملوخية وورق العنب...و ياريت كان معاهم باذنجان وفلفل مخلل....:)
تحياتي
أنا كنت فرحان إنك جاوبتي على التاج علشان اشوفك هتعزمينا على إيه.
طلع الموضوع كبير اووي، إشي طوارئ وعربيات اسعاف وضحايا والمطبخ ميدان حرب...خلاص مش عاوز آكل، هنام خفيف
وكل تاج وانت طيبة
عبثا ما أكتب سيدتي
إحساسي أكبر من لغتي
وشعوري نحوك يتخطى
صوتي .. يتخطى حنجرتي
عبثا ما أكتب .. ما دامت
كلماتي .. أوسع من شفتي
أكرهها كل كتاباتي
مشكلتي أنكِ مشكلتي
اكيد لسة فيه حاجات كتير جواك حلوة ما حدش يعرفها
كل تاج وانت احلى
ايه
يا قطر الندي
وبعدهالك
هتعودي كده لا زاد ولا مية
ايييييييييييييييييييييييييييييه
إحنا معجبينك
زنبنا
اييييييييييييييييييييييييييييييه
ربنا يفكها عليك يا قطر الندي
اولا اهنئك على قدرتك على نسيان الاساءه وكمان بسرعه دى شئ كويس اوى يابخت الى بيتعامل معاكى لانك بتديله فرصه انه يعيد التصرف فى افعاله ويا بختك انت اكتر بيها فيابخت من بات مظلوم ولا بات ظالم ثانيا اهنئ نفسى على اشتراكى مع حد فى حب الفر وكااان ورق العنب دى ايحنا كده ممكن نتمتع بفحه جميله واكله محببه لنفوسنا بس على شرط يكون على حسابك على العموم مش هعقد اقولك سيبينى افكر والكلام المرسوم دى انا موافقه ياسيتى على طول ومن غير تفكير ثالثا نهنئ انفسنا على تعرفنا على عضوة تتمتع (بالتسامح )وخفة الظل
احب ان اوضح بعض اخطائى فى الكلمات هى السفر مش الفر وكمااان مش كااان ورحله مش فحه
أول مرة أعلق عندك جيت عن طريق مدونة بيتنا القديم
عجبتني ردودك يلا العقارب دايما تتلم مع بعضها بس لقيت المدونة بتاعتك برجك ايه ما فيهاش حاجة ياريت تكتبي فيها مستنية كلماتك
إرسال تعليق