تمر الليالي بطيئة متكاسلة عن الرحيل و كانها تعاندني لتأتي بعدها ليالي اكثر تكاسلاً و عناداً، و انا دوماً انتظرك انتظر لحظة ان ارتمي في ذلك الحضن الواسع الذي يشعرني بالامان و ان نهاية الدنيا عند اطراف اصابعك. اذكر انني منذ نعومة اظفاري و انت فارسي المغوار مخلصي و ملهمي و رفيق المشوار. اذكر خوفك علي من الايام. اذكر دوموعك التي سالت من اجلي اذكر لحظات فرحي و المي طفولتي و صباي دوماً اشكر قدري الذي منحني اياك فلولاك لما كانت الحياة و ماكان للامل معني او للحب وجود
كم فرقت بيننا المسافات و لكنها لم تستطيع لحظة ان تفرق بين قلوبنا. كم اشتاق الي نظراتك و ابتساماتك و حتي نهراتك لي و توجيهاتك. لك يا اغلي من ذاتي نبض قلبي و كل لحظة في حياتي بها افتديك بل بها افتدي لحظة آلم او جرح او ندم او دمعه تجرأت علي الوصول الي عيونك
اخي الحبيب نور القلب و توأم الروح حقاً افتقدك.
هناك ١٦ تعليقًا:
احساسك حلو اوووي بجد وكلامك احلي ربنا يوفقك
كلام رائع ومعبر جدا
واكتر حاجه عجبتنى هى طريقتك فى اخذ القارئ الى اتجاه تفكيري معين وفى النهاية يجد ان ما تقصدينه شئ اخر تماما
احييكى على احساسك الصادق وعلى مدونتك الجميلة فى اول زيارة لى هنا
ربنا يخليكم لبعض ويقرب بينكم المسافات
خالص تحياتى ودمتى بألف خير
Bossy
بجد انا سعيده جداً بزيارتك و مرسيه ليكي علي تعليقك الجميل و علي فكره مدونتك جميله جداً
ساكاماكا نيوز
مرسيه علي كلامك الحلو دا كله بصراحه تعليقك نور المدونه و اتمني زياراتك تتكرر
بغض النظر عن صفعة القاريء التي
فعلتيها في نهاية خاطرتك
إلا أن ما كتبتيه فكرني بموقف طفولي لم
ولن ينمحي من ذاكرتي
وهو أني كنت كأي طفل مراهق كنت أحب
بنت منذ المرحلة الإبتدائية وقد
بادلتني الشعور الطفولي البريء لدرجة
كنا بنخطط لما نكبر هتكون حياتنا إزاي
وفي المرحلة الإعدادية صرت أراها فليلاً
أتذكر جيداً كلمات راغب علامة وقتها
(وانا كل ما أشتاق إليها اروح وأسأل
عليها عليها)
وبجد جوبتني عنيها في اولي ثانوي أنها
إتخطبت لواحد تاني
طبعاً شاب أكبر مني بكتير في وقتها
فسقطت في حالة إحباط مزرية وذهدت في
الدنيا واللي فيها...لدرجة فكرت إني
مافكرش في الحب تاني
لكن بجد إنت كنت فين طول الفترة دي
يارب يكون خير
ايه حكاية صفعة القارئ دي هو انت تخيلت اني باتكلم عن حد غير اخويا !! لأ يا سيدي هو وش ذلك !! بس غريبه اوي حكاية انك ترتبقط و انت في ابتدائي دي يا خبر انت من يومك و انت فلانتينو بقي
اما الفتره اللي فاتت فهي كانت اجازه زي ماقولتلك من نفسي بس ماتقلقش مالهاش سبب دي حاله كسل مش اكتر
عزيزتي قطر الندي
****************
علي فكرة الرجالة في معظمهم فلانتينيين جداً...بجد الراجل فينا لما يحب ويخلص مالوش حل ولما ينخدع وحبه مايكونش في محله بينقلب لعاصفه تأكل الأخضر واليابس...وأول ما تأكله العاصفة قلب الرجل نفسه...يبدأ بقلبه أولاً فيحطمه ثم يتناول ما حوله بالتحطيم في إنتظار رصاصة الرحمة تنطلق لتخترق قلبه الحزين...الذي لم ولن يندمل حتي بمرور الزمن
ولا يخبرك مثل خبير
لما قرأت البوست ده حسيت إن إحواتي بيكلموني و بيجهوا ليا الكلام ده...أصل انا برضه بقالي فترة بعيد عنهم...ما ساء الله أسلوبك جميل
حقاً افتقدك !!!
سمسم
تصوير صعب جداً لحب الرجل يا سمسم الحب ارق و احلي من كدا بكتير حتي لو القلب انجرح ممكن يداويه حب جديد دا من وجهة نظري مع احترامي الشديد لرآيك يا فلانتينو
يعقوب
انا مبسوطه اوي من كلامك بس مش غريب ان احساسي يوصلك لانه صادق جداً انا عارفه ان اكيد بعدك عن اخواتك غصب بس صدقني انا متأكده انهم مفتقدينك جداً و محتاجينك اكتر مما تتخيل ربنا يخليكوا لبعض و مافيش اي حاجه تفرق بينك و بينهم تحياتي
سمسم
انا بقي لما بافتقدك باجي جري علي بيتنا القديم لاني دايماً بلاقيك موجود هناك و هتلاقيني كل يوم ناطه عندك
عجباني الفكرة اوي ..صادقة اولا ومتعبر عنها حلو ثانيا
برافو عليكي بجد حلوة جدا
الكلام جميل اوي وارجو كتابة الكثير عمرو
هااااي ازيك عاملة ايه وحشني كلامك فينك
علي فكرة انا ببقي سعيده جداا اما بتدخلي مدونتك وتعليقاتك بجد بتفرحني
ياريت متتاخريش اكترر من كده
saso
ايه الشرف دا كله معقوله ساسو في مدونتي يا اهلاً و سهلاً بيكي يا قمر و مرسيه اوي اوي علي تعلقيك الجميل
عمرو
ربنا يخليك يا عمرو مرسيه ليك اوي اوي و علي فكره انا كمان اتمني كتابة الكثير لكن انت عارف دا بيجي حسب الظروف معايا
Bossy
صديقتي الغاليه بوسي انت بتوحشيني اكتر بجد و الله و لما بلاقي تعليق منك باكون في منتهي السعاده و باعرف انك بتفتكريني زي ماانا دايماً بافتكرك و زياراتك بتنورني دايماً
يااااااااااااااااااااه الكلام جيل أوى يا ريتنى كنت أنا أخوكى
إرسال تعليق